تشكيلات الفن، بتدرج الالوان، وتداخل الرسومات والاشكال، ليها من المعاني كتير، ولكل شخص نظرته في الفن التشكيلي، لكن مبنختلفش انه بيعبر عن الثقافة وعن الخيال، اللي يقدر يخطف دماغك ويخليك تتوه .
كتير من اشكال الفنون ممكن تكون متداخلة في نسقها وشكلها، لكن بيتميز التجريد، انه بيشيل القشور، ويدخل في عمق الحدث، ويعيش الانسان في حالة من الشرود، وتداخل الالوان بتناسقها الغريب، بيضيف حالة من الاختلال، كأنك بتقع من فوق ناطحة سحاب وبتلمح الدنيا متداخلة والوانها متناسقة وفريدة
وفيك انطوي العالم الاكبر، الانسان سرر اسرار الكون، في عينيه الليل والنهار، الهدوء والعاصفة، السكينة والنشاط، الضعف والقوة، كل شئ فيك، نبت من الكون حين ابتدأ
الالوان هي اداة الانسان لوصف الروح، وصف المشاعر، الحروب الداخلية، الصراعات النفسية بين الانسان والوقت، ولكل لون طاقة فريدة، ولتتداخلها ودرجاتها معاني مختلفة .