تشكيلات الفن، بتدرج الالوان، وتداخل الرسومات والاشكال، ليها من المعاني كتير، ولكل شخص نظرته في الفن التشكيلي، لكن مبنختلفش انه بيعبر عن الثقافة وعن الخيال، اللي يقدر يخطف دماغك ويخليك تتوه .
بلد الجمال، والدلال ورحلة علي مركب تتحب، خليني افرح يوم بلقاك، ناخدلنا مركب ونغيب، تابلوة مزدوج بين جميل البحر، وبين فرحة وجمال اللقا، بينك وبين اللي بتحبه
لوحة حيرت العالم، برغم إن النظرة الاولي ليها تبدوا عادية، لكن الغريب فيها، انك لو بصتلها من اي زوية، هتشوف ابتسامة، والرسالة هنا، خليك زي موناليزا، ديماً في امل، وديماً في سر، وديماً ليك خطوة، هتغير مسارك .
بالعمل كانت حياة، معروف عن الحضارة المصرية شموخها، والهرم ديماً رمز للقوة، ولولا انه مبني بعلم فائق، وعمل جاد لم يكن ليصمد، ورسالة التصميم، بالعلم تنشئ عالمك، بالعمل تجعله يدوم .
كتير من اشكال الفنون ممكن تكون متداخلة في نسقها وشكلها، لكن بيتميز التجريد، انه بيشيل القشور، ويدخل في عمق الحدث، ويعيش الانسان في حالة من الشرود، وتداخل الالوان بتناسقها الغريب، بيضيف حالة من الاختلال، كأنك بتقع من فوق ناطحة سحاب وبتلمح الدنيا متداخلة والوانها متناسقة وفريدة
وفيك انطوي العالم الاكبر، الانسان سرر اسرار الكون، في عينيه الليل والنهار، الهدوء والعاصفة، السكينة والنشاط، الضعف والقوة، كل شئ فيك، نبت من الكون حين ابتدأ
